من وحي معتقل قصر الطير

بسم الله والصلاة و السلام على نبينا **** محمد العزيز يشفع فينا يوم الحشر والميزان نلقاه
ركبنا في جيميسي تلهوث بينا **** ياسر من البرمات ما ندري قداه
صفينا لقصر الطير ثم حدرنا **** وجدنا جيش فرنسا عدو الله
عشينا جلاس فوق هذيك الطوبة **** ناس كثيرة تحمد في الله
تكلم أخي الحامد شينون قال عشينا غربة ، **** والمكتوب اللي جابنا يفرج الله
الي يحبنا راه يبكي علينا **** واللي يكرهنا يتولاه مولاه
في 20 ماي 60 مع جيشنا **** وأشبال الثورة مسقدين كيفاه
قدر الرب ويحكموا علينا **** عشينا في عذاب متنوع نلقاه
خوباثة يتزاحموا علين ، **** عملونا الكهرباء والماء وعذاب القرعة لا تنساه
ويقولوا يستاهلوا يعتارفوا بينا **** والا نفسدولهم عقولهم لا من تلا يلقاه
كانوا كثير من انتاوعنا **** باعو الدين والوطن معاه
كي يعودوا يعذبوا فينا **** لا رحمة لا شفقة لا تلفات وراه
خوباثة يخربوا فينا **** يفضحوا في نسانا ما هداهمش الله
يا اخوان هاذي عجايب صارت فينا **** والي ما شافوش ما يفهمش معناه
شرح البحث على ما عملنا *** * وادخل للبيرو واعمل انتباه
توجد فيه غير عدونا **** والحركى واصحاب الجكات معاه
غروكم الثوار وانسيتو دولتنا **** ايجي عضو من الجبهة نتفاوضوا معاه
الجزائر من بكري فرنسية **** غركم واطلعتوا للجبل معاه
لو كان يجي بين يدينا **** ونعتولوا هذا السياسة كيفاه
لكن حان الوقت نصد منها بدون مزية **** هذه قيود الجبهة والجيش وراه
هدا شيء واجب علينا **** سقدتوا في البوسطة بابا يصفاه
شوف شوف يا بابا ما يصرا بينا **** حتى الكلب ميموس رانا طعناه
من كثرة العذاب اللي صاير بينا **** هذا شيء مسطر من عند الله
اكتبت العنوان بيدي أنايا **** سقدتوا في البوسطة بابا لا يصفاه
حين رجع عيطوا علي **** رحت حزين ما ندري علاه
حين صفيت سلمولي لبرية **** وليت فرحان لبلوك نحمد في الله
وجدت أصحاب الجكات يدبروا علينا **** هوما تبعوا طريق الخبث واحنايا علاه
تحيا لبلاد ويحيا جيشنا **** يحيا العلم والنشيد معاه
الي جاب هذا الكلام جندي من جيشنا *** *عبد الحميد زبيش في الشدة تلقاه
اللي يحب يتصل بينا **** يقصد عين ولمان معروف يلقاه
في 23 جوان 62 فرج ربي علينا **** والعهد رانــــــــــــــــــــــــــــــــا وفينــــــــاه


المجاهد : عبد الحميد زبيش أحد المعتقلين بمعتقل قصر الطير .
ا

شكرا " حنان " على الادراج الجيد ، الذي يحكي جانبا من معاناة شعبنا الأبي إبان التواجد الاستعماري ببلادنا .
أشعرينا دائما انك موجودة معنا ، بطلاتك الجميلة .واشركي معنا رزيقة وأسماء .
تحية حارة لحنان ولأهل القيقبة الطيبين .

تحياتي .

والشكر مرفوع لأستاذنا الكريم ، نعم أستاذي فواجب العرفان وواجب الفخر والاعتزاز يقتضيان منا أن نكثف الجهود وأن نثابر على البحث عن صفحات تاريخنا التي طواها الزمن ، والتي تشكل الاسمنت الذي يقوي الوحدة الوطنية ، لأن كفاح الأجيال تلوى الأجيال كان دوما من أجل جزائر فوية ، عزيزة كريمة وليس من حقنا أن نهمل أي شيء من شأنه أن يعزز الوحدة الوطنية ويدعمها


تحياتي