العهدة الرابعة بدات بالفريق خســـــــر

من طرف سعداوي ربيع الثلاثاء يونيو 17, 2014 11:38 pm

العهدة الرابعة بدات بالفريق خســـــــر ***** هـــذي البدايــة ومـازال جاي الخيـــر
بعد دقايق قريت على الفايسبوك خبـر *****الصدمة كانت كبيره ,,,تقطــع البندير
يا رشيــــد اخيي ارواح تراش نشعـــر***** وليدات بوتفليقة مومش بغال وحميــر؟
كنت نسمع الاعياط ’’المزمـــار تكسّر؟*****وين راحت الابواق وين راح التزميـــر؟
أنا معجــب بيــــك ’’قل ربي يستــــــر*****اللّعابين امــــراض كيف سيدهم لكبيــــر
عمــري ولا حوّست مــــــــره نتّشهــر*****ولا انا صفّقــــت لمعالي الوزيــــــــــــــر
بن عبريط رمعون,,,مانيش نكفّــــــــر***** كــلام كثير ينقـــال ’’يلزمنــا تدبيــــــــر
من ســلال واهبط ما عليهــش نشهّــر***** المخير فيهم يمشي كـي لبعيـــــــــــــــر
الجزاير وين رايحة؟

البدايه ومازال للقصيدة تتمة ان شاء الله